Нурлатта 17 егетне хәрби хезмәткә озаттылар
Нурлат районы Башлыгы Дамир Ишкинеев нурлатлыларга хәер-фатиха сүзләре белән мөрәҗәгать итте.
"Сезгә җаваплы, намуслы хезмәт итүегезне телим, командирларның боерыкларын тыңлагыз, хәрби уставны үтәгез. Сезгә уңышлар телим. Армия-ул яхшы мәктәп, Сез бу вакытны гомер буе яхшылык белән искә алачаксыз. Сезгә уңышлы хезмәт. Без сезнең кайтуыгызны көтәчәкбез, ел тиз узачак", - диде Дамир Азат улы.
Үзәк хәрби округ инспекторы запастагы генерал-майор Анатолий Молоствов сугышчыларга истә тотарга кирәк булган моментлар турында сөйләде.
"Командирлар сезгә сөйләгәннәрнең һәм күрсәткәннәрнең барысына да төшенегез, боларның барысы да кирәк булачак. Сезнең бу фәнне үзләштерүегезне телим", - диде ул.
Хәрби хезмәткә чакырылучыларга шулай ук Чулпан һәм Төрнәс авыл җирлекләре башлыклары Фәргать Зыятдинов һәм Сергей Белов мөрәҗәгать итте. Район һәм шәһәр хәрби комиссары Закир Абдуллин, хәрби хезмәткә чакырылучыларга бер-берсенә терәк булырга дип теләде.