Егетләр армиягә үз хокукларын белеп китәләр

Бүген Нурлатта көзге чакырылыш кампаниясе кысаларында призывниклар һәм аларның әти-әниләре өчен укулар үтте. Укуларны Республиканың кеше хокуклары буенча уполномоченные Сәрия Сабурская һәм Татарстанның хәрби комиссары Сергей Погодин үткәрде. Бу көнне Республиканың кеше хокукларын яклау буенча уполномоченные җитәкчелегендәге Хокукый белешмәләр мәктәбе кысаларында призывниклар һәм аларның әти-әниләре бик күп сорауларга җаваплар алдылар. Очрашуга Нурлат, Чирмешән, Әлки, Лениногорск һәм Аксубай районнары призывниклары чакырулы иде.