Нурлатның "Грани" мәдәни - ял үзәгендә «Герой балалар» дип аталган тематик интерактив дәрес үткәрделәр

2024 елның 8 апреле, дүшәмбе

Тагын бер айдан илебез Бөек Җиңү көнен билгеләп үтәчәк. Ә бу нинди көн? Нинди җиңү турында сүз бара? Бу хакта укучылар белән мәдәни-ял итү үзәге хезмәткәрләре сөйләште. Дәрес бик җанлы, кызыклы һәм эчтәлекле үтте. 45 минут эчендә укучылар Бөек Ватан сугышы тарихыннан бик күп файдалы мәгълүмат алдылар, Советлар Союзы геройлары: Марат Казей, Леня Голиков, Зина Портнова һәм Валя Котик батырлыклары турында белделәр, уен формасында хәрби техника сурәтләнгән рәсемнәр җыйдылар, уяулыкны тикшерү өчен постлар куйдылар, «Геройны таны» викторинасында катнаштылар.