Нурлатта Әниләр көненә багышланган чараларны Җирлекара китапханә ачты
Ел саен, РФ Президентының 1998 елның 30 гыйнварындагы Указы буенча, ноябрьнең соңгы якшәмбесендә Россиядә Әниләр көне билгеләп үтелә.
Бөтен ил буенча бу Көнгә багышланган мәдәни-массакүләм чаралар үткәрелә (бу бәйрәм концертлары, күргәзмәләр, күп балалы әниләр белән очрашулар һ.б.). Бу көнне балалар катнашында чаралар аеруча матур һәм күңелгә үтеп керерлек булып уза.
Нурлат китапханәсе яшь укучыларны «Гомер бүләк итүчеләр» әдәби-музыкаль кичәсенә чакырды, аның барышында алып баручы һәр кешенең тормышында Әни роле турында искә төшерде, әни булу темасына багышланган нәфис әдәбият әсәрләрен искә төшерергә, танылган язучыларның әниләренә карата дулкынландыргыч мөнәсәбәте турында белергә, шулай ук танылган артистлар башкаруында Әни турында шигырьләр һәм җырлар тыңлау мөмкинлеге дә булды.