Нурлат муниципаль районы Советында юл хәрәкәте иминлеген тәэмин итү комиссиясенең киңәйтелгән утырышы узды

Комиссия утырышында 7 мәсьәлә каралды.

Транспорт дисциплинасын тәэмин итү буенча эшнең торышы, агымдагы елның 10 ае йомгаклары буенча Дәүләт автоинспекциясе эшенең нәтиҗәләре турында Нурлат районы буенча ЮХИДИ идарәсе башлыгы Ринат Паймурзин сөйләде.

"Бу чорда Нурлат районы территориясендә 340тан артык юл-транспорт һәлакәте булган. Аларның 22сендә 2 елдан азрак стажлы машина йөртүчеләр катнаша. Исерек шоферлар турында сорау кискен тора. Ел башыннан 115 шундый очрак ачыкланган, шуларның 20се административ җаваплылыкка тартылган. Балаларны йөртү транспортына аеруча җаваплы карарга кирәк", - дип уртаклашты ул үзенең чыгышында.

Балалар юл-транспорт травматизмын профилактикалау нигез булып кала. Аны булдырмау максатыннан районның мәгариф учреждениеләрендә төрле акцияләр үткәрелә, шул исәптән ата-аналар катнашында да. Ел башыннан 6000 меңнән артык шундый чара оештырылган.

Утырышта шәһәр һәм район территориясендә автомобиль юлларын кышкы карап тотуга әзерлек барышы турында да сөйләделәр, «Юл хәрәкәте иминлеге» дәүләт бюджет учреждениесе эшчәнлеге турында мәгълүмат тыңладылар. Ахырда алардан «Өй-мәктәп-өй» балалар хәрәкәте маршрутлары буенча урам-юл челтәренең торышы нормативлары һәм ГОСТлары таләпләренә туры килмәве турындагы мөрәҗәгатьләр каралды.

Юл хәрәкәте иминлеген пропагандалауның нәтиҗәле инструментларының берсе булып Дәүләт автоинспекциясе һәм «Юл хәрәкәте иминлеге» ДБУның массакүләм мәгълүмат чаралары белән үзара хезмәттәшлеге тора. «Нурлат-информ» коллективы бу юнәлештә актив эшчәнлек алып бара.