Эвакуация юлларының әйбер белән тутыру куркынычы турында
Күп фатирлы торак йортларда янгын чыгуда еш кына кешеләр үзләре гаепле, алар баскыч мәйданчыкларында һәм катлар арасында келәтләр оештыралар, аларда янучан материаллар саклыйлар.
Эвакуация юлларының әйбер белән тутырылуы янгын чыкканда кешеләрнең баскычлар аша бинадан ирекле чыгуын кыенлаштыра. Ялкын җиңел генә баскыч мәйданчыгында сакланган предметлардан фатир ишекләренә үрләргә дә мөмкин. Бигрәк тә өске катларда яшәүчеләр зыян күрергә мөмкин.
Күп фатирлы торак йортларда янгын куркынычсызлыгы таләпләрен бозган өчен йорт (фатир) хуҗалары административ җаваплылыкка тартылырга мөмкин.
Шуңа да төп кагыйдәләрне үтәвегезне сорыйбыз:
коридорларда, баскычларда, чардакларда һәм подвалларда бензин, керосин, нитробуяу һәм башка тиз янучан һәм кабынып китүчән сыеклыкларны сакламагыз;
чардакларны һәм подвалларны төрле янучан материаллар, чүп-чар белән чүпләмәгез һәм бу бүлмәләрдә тәмәке тартмагыз;
мебельне гомуми кулланыштагы коридорларга, баскычларга һәм баскыч маршларына урнаштырмагыз;
әгәр дә янгын сезнең фатирдан читтә булса һәм көчле ут һәм төтен аркасында чыгу өчен баскычтан файдалану мөмкин булмаса, ишекне ачмагыз, эчтән су сибегез, тишекләрне дымлы сөлгеләр яки чүпрәкләр белән ябыгыз;
әгәр дә төтен фатирга керсә, идәнгә иелеп торыгыз. Ишекне ябып, балконда гына ышыкланырга мөмкин.
73нче ПСЧ инспекторы Наталия Кузнецова