Яшь нурлатлылар «Теориядән практикага» шахмат турнирында катнашты

2023 елның 6 ноябре, дүшәмбе

Турнир «Дебют» шахмат клубында узды.

Көзге каникул көннәрендә Нурлатның 10 яшь шахмат сөючесе "Дебют" шахмат клубында оештырылган "Теориядән практикага" шахмат турнирында катнашты.  Клубка йөрүчеләр "Мирас" яшьләр-яшүсмерләр клубы яшьтәшләре белән уйнады.

Ярышларның судьясы булып Нурлат шәһәренең шахмат-шашка клубы җитәкчесе Олег Павлов тора. Турнир тәмамлангач, ул нәтиҗәләрне игълан итә.

Нәтиҗәдә, иң күп очконы Әмир Мөхтәсимов җыйды.  Икенче урында-Самирә Фәйзуллина, өченчедә - Илиза Гомәрова. Җиңүчене һәм призерларны шахмат Патшабикәсе бүләкләде. Ул шулай ук һәр яшь шахматчыга катнашучы сертификатын тапшырды.

Ахырда барысы бергәләп чәй эчтеләр.