Ветеринар кисәтә-бруцеллез янәшәдә
Сентябрьдә Яңа Чишмә районы хуҗалыкларының берсенә бруцеллез таралу сәбәпле зур зыян күргән фермерга 60 млн сумлык зыян китерелгән.
Гомумән, бу вакыйга бөтен республиканы дулкынландырды.
Авыруның Татарстанга кайтуы берничә дистә елдан соң имин булмаган төбәкләрдән хайваннар кертү белән бәйле дип санала.
Бруцеллез-хайваннар өчен генә түгел, кеше өчен дә куркыныч авыру. Аңа таралырга юл куймас өчен, район дәүләт ветеринария берләшмәсе башлыгы Илнур Хәнәфиев авыру билгеләрен тагын бер кат искә төшерә.
"Бу авыруга сарыклар, кәҗәләр һәм сыерлар күбрәк дучар була. Бруцеллез бактерияләре түбән температураны яхшы кичерә туңдырылган килеш бер елдан артык саклана ала. Алар туфракта, суда, азыкта, тирестә яши алалар, аннан хайваннарның ашказаны – эчәк трактына эләгәләр һәм лайлалы урыннарга утыралар, - ди ул.
"Бу авыруны булдырмас өчен нинди профилактик чаралар күрергә кирәк?»
"Беренче чиратта, барлык ветеринария чараларын вакытында үткәрергә. Авыруның беренче билгеләре булганда, хайванны төп көтүдән аерып алырга, шунда ук бу хәл турында ветеринариягә хәбәр итәргә кирәк, – дип дәвам итте Илнур Харисович. -Һәм, әлбәттә, хайваннарны бруцеллез буенча имин территорияләрдән һәм санитар-ярдәм документлары булганда гына кертергә рөхсәт ителә.