«Нурлатнефть» НГДУсы чишмәсе иң яхшыларның берсе булды

2023 елның 25 октябре, чәршәмбе

«Нурлатнефть» НГДУсы казанышларына «Татнефть»нең ел саен үткәрелә торган «Төзекләндерелгән чишмәләрнең эстетик торышын саклаган һәм су сыйфатын яхшырткан өчен»  конкурсында чираттагы җиңү - 2 урын өстәлде.

Быел конкурс жюри әгъзалары ЦКППНның «Талым» чишмәсен бәяләделәр. 2000нче елда нефтьчеләр аны торгызганнар һәм төзекләндергәннәр, быел капиталь ремонтлаганнар, тиешле тәртипкә китергәннәр.

"Талым"чишмәсе - Чирмешән муниципаль районы Күтәмә авылында урнашкан. Чишмә чиста эчәр су чыганагы гына түгел, ә авыл халкының аралашу һәм очрашу урыны да булып тора.