Дамир Ишкинеев Нурлат үзәк район хастаханәсе хезмәткәрләрен инфекция бүлеге ачылуы белән котлады
Нурлат үзәк район хастаханәсенең инфекция бүлегенә 55 млн сумлык капиталь ремонт башкарылган.
Бу «Сәламәтлек саклауның беренчел звеносын модернизацияләү» республика программасы кысаларында 30,3 млн. сум һәм «Татнефть» ААҖ гранты – 25 млн. сум күләмендә бүлеп бирелгән.
Нурлат районы Башлыгы, «Бердәм Россия» партиясенең җирле Нурлат бүлеге секретаре Дамир Ишкинеев озатуында инфекция бүлеген ачу тантанасында ТР Дәүләт Советы депутаты, «Бердәм Россия» Бөтенроссия сәяси партиясенең Татарстан төбәк сәяси советы әгъзасы Людмила Рыбакова катнашты.
"Бу нурлатлылар өчен күптән көтелгән вакыйга. Яхшы килеп чыкты, заманча, барлык санитар таләпләр буенча. Без Татарстан Республикасы Рәисе Рөстәм Нургали улы Миңнехановка, «Татнефть» генераль директоры Наил Өлфәт улы Мәгановка бу бүлекчәне капиталь ремонтлауга акча бүлеп биргәннәре өчен зур рәхмәтебезне белдерәбез. Төзүчеләргә дә зур рәхмәт", - диде Дамир Азатович һәм биредә районның иң яхшы сәламәтлек саклау хезмәткәрләре хезмәтләрен билгеләп үтте.
Сәламәтлеккә кагылышлы сорауларны Людмила Рыбакова мөһим тема дип атады.
"Яңарту-мөһим вакыйга. Капиталь ремонттан соң учреждение ачу учреждениенең уңайлылыгына да, сәламәтлек саклау хезмәтләренең сыйфатына да тәэсир итәчәк. Сәламәтлек – барыннан да бигрәк иң мөһиме", диде ул.
Капиталь ремонттан соң бүлек тулысынча үзгәртелә. Якты палаталар, һәрберсендә санузеллар, кайберләрендә санитар-гигиена процедуралары өчен душ бүлмәләре дә бар. Биредә 15 урын бар, әмма кирәк булганда, Нурлат үзәк район хастаханәсенең баш табибы Айдар Сәгъдиев билгеләп үткәнчә, 25 пациентны урнаштырырга мөмкин. 15 урынның 3се балалар өчен. Мельцер боксы, ярымбокс, бактериологик лаборатория, сәламәт пациентлар өчен аерым керү урыны бар.
Ел ахырына монда шулай ук 1 000 000 сумлык җиһазлар кайтуын көтәләр. Ел саен инфекция бүлегендә стационар дәвалауны 1000 кеше ала.