Дамир Ишкинеев нурлатлыларны авыл хуҗалыгы хезмәтчәннәре көне белән котлый
Бүген Россиядә авыл хуҗалыгы һәм эшкәртү сәнәгате хезмәткәрләре көне билгеләп үтелә.
Нурлат районы һәм Нурлат шәһәре башлыгы Дамир Ишкинеев бу көнне таңнан таңга кадәр ял һәм бәйрәмнәрсез җирдә эшләүчеләргә, икмәк һәм яшелчәләр үстерүчеләргә, халыкны сөт, ит һәм башка азык-төлек белән тәэмин итүчеләргә мөрәҗәгать итте.
"Хөрмәтле авыл хезмәтчәннәре, районның агросәнәгать комплексы хезмәткәрләре һәм ветераннары!
Сезне чын күңелдән һөнәри бәйрәмегез белән котлыйм!
Авыл хуҗалыгын үстерү өчен безнең районда барлык кирәкле әйберләр бар-уңдырышлы җир, чиста су, әмма иң мөһиме - үз эшләрен һәм үз җирләрен яратучы кешеләр бар. Аларның һәрвакыт хезмәте киеренке, әмма мин төгәл беләм, алар авырлыклардан һәм хезмәттән курыкмыйлар, иртәгә өстәлләребездә икмәк булсын өчен бөтен көчләрен һәм хезмәтләрен куялар!
Хезмәт сөючәнлегегез һәм үз эшегезгә тугрылыклы булып калуыгыз өчен рәхмәт. Гомер буе авыл хезмәтенә багышлаган, ә хәзер яшь буын өчен үрнәк булып торган тармак ветераннарына аерым рәхмәтемне белдерәм.
Бу тармакта эшләүчеләргә ныклы сәламәтлек, иминлек, муллык, бәхет, барлык эшләрегездә уңышлар телим!
Авыл хуҗалыгы - икътисадның үзгәрешләргә иң сизгер секторы, чөнки биредә күп нәрсә һава торышы шартларына бәйле. Әмма, бернигә дә карамый, сез үз эшегезне лаеклы һәм һөнәрмәннәрчә башкарасыз. Районыбыз өчен куйган игелекле хезмәтегездә яңа уңышлар телим. Гаиләләрегез имин, көннәрегез аяз булсын", - диелә котлауда.