Нурлатта балалар китабы атналыгы башланды
Шәһәрнең 1нче урта гомуми белем мәктәбе базасында Балалар китабы атналыгына багышланган бәйрәм чарасы узды. Быел ул юбилейлы - 80нче тапкыр узды.
Беренче мәртәбә "Китапның туган көне " Лев Кассиль тарафыннан эшләнә. 1943 елның 26 мартында Мәскәүдә язучылар һәм яшь укучыларның зур очрашуы була. Ә 1944 елдан бер көннең аз булуы ачыклана-Балалар китабы атналыгы туган", - дип тарихка экскурсия ясады шәһәрнең 1нче мәктәбе китапханәчесе Фәния Усманова.
Чараны алып баручы 3нче мәктәп китапханәчесе Светлана Маслова балаларга язучылар һәм шагыйрьләр турында сөйләде. Очрашуда катнашучылар үзләре дә җавапсыз калмады: балалар Владимир Маяковскийның «Кем булырга» әсәре һәм Сергей Михалков шигырьләре буенча инсценировкалар әзерләгән.
"Мин китап укырга бик яратам, өйдә зур китапханәм булса да, мәктәпкә дә еш карыйм. Фәния Ибраһимовна безнең өчен бик күп кызыклы һәм танып белү чаралары үткәрә», – дип уртаклашты 1нче мәктәпнең 6 нчы сыйныф укучысы Игорь Аглиуллин.
Чара бүләкләү белән тәмамланды: иң яхшы укучыларны грамоталар һәм бүләкләр белән билгеләп үттеләр.