Нурлатлылар махсус хәрби операциядә катнашучылар өчен тортлар пешерде
Ватанны саклаучылар көне алдыннан Нурлатта яшәүче хатын-кызлар үзләренең катнашучыларына татлы бүләкләр әзерләде.
Нурлат районында башта мобилизацияләнгәннәр өчен, ә хәзер Лисичанск халкы өчен төрле ярдәм күрсәтүгә үз өлешен кертүчеләр бихисап. Бу бәйрәм алды көннәрендә районда яшәүчеләрнең яңа планнары бар – Ватан чикләрен саклаучыларны өйдә пешерелгән тәм-томнар белән сөендерү.
Шәһәрлеләр Ләйсән Галәветдинова, Әлфия Бәширова, Регина Писцова һәм Алинә Шәйдуллина әнә шулай хәл иткән. Аларның барысының да һөнәрләре төрле - тәрбияче, үзмәшгуль, шәхси эшмәкәр…
Ләкин яшьләрне уртак эштә катнашу теләге берләштергән. Алар актив рәвештә Игелек тартмасын тулыландыралар, акчаларны «Ярдәм» фондына да күчерәләр. Ә менә алар арасында тәҗрибәле кондитер Ләйсән Галәветдинова бар, ул пешергән тортлар, капкейклар, трайфллар, меренг ролллары, бенто-тортларын нурлатлылар күптән яратып өлгерде инде.
«Без кемгә нинди ингредиентлар сатып алырга кирәклеген бүлештек. Шимбә көнне коржларны пешердек, бүген аларны тортларга җыеп, төрдек, ә иртәгә «Незабудка» кибетенә илтәбез, – дип уртаклашты Алина Шәйдуллина.