Район башлыгы Алмаз Әхмәтшин парламент дәресе үткәрде
Бүген шәһәрнең 4нче мәктәбендә традицион парламент дәресе үтте. «Без – Россия гражданнары» темасына өлкән сыйныф укучылары белән сөйләшүне район Башлыгы Алмаз Әхмәтшин алып барды.
Дәрес башында укучылар тематик видеоролик карадылар, педагог Елена Гудилина җитәкчелегендәге дәрес темасы буенча иҗади проектлар башкардылар, үз иленең чын гражданины нинди булырга тиешлеге турында сөйләштеләр.
Ватанпәрвәрлек һәм гражданлык турында сөйләшүгә район Башлыгы Алмаз Әхмәтшин кушылды.
"Бүгенге дәреснең темасы бик актуаль. Сезнең һәрберегез гражданинның кем булуын, һәр кеше өчен Ватанның нәрсә аңлатканын белергә һәм аңларга тиеш», - дип билгеләп үтте Алмаз Сәлимович чара башында. Ул көндәлек гражданлык җаваплылыгына мисаллар китерде, Укучыларның һөнәри юнәлешенә басым ясады, районда яшь буынның иминлеге һәм гармонияле үсеше өчен башкарылган эшләр турында сөйләде.
"Дәрес безгә бик ошады. Район Башлыгы белән һәр көнне шулай җиңел һәм кызыклы итеп сөйләшү мөмкинлеге юк. Алмаз Сәлимович безгә һөнәр сайлау, шәхси гражданлык позициясе, мәктәптә өлгерешләр турында бик күп файдалы нәрсәләр сөйләде, безгә алга таба уку һәм төрле яклап үсеш өчен зур этәргеч бирде», – дип уртаклаштылар мәктәп укучылары Яна Яковлева, Ксения Шойтова һәм Камилла Ибраһимова.
Чара истәлеккә гомуми фото ясау белән тәмамланды.
Шул ук көнне район Башлыгы мәктәп ашханәсендә дә булды, узган ел капиталь ремонт кысаларында яңартылган азык-төлек блогын карады. Ашханә хезмәткәрләре һәм азык-төлек белән тәэмин итүче белән әңгәмәдә мәктәп укучылары өчен ризык һәрвакыт яңа пешкән, тәмле, ә иң мөһиме файдалы булуын ассызыклады.