Нурлат көрәшчеләре билбау көрәше буенча республика беренчелегендә медальләр яулады

2023 елның 8 феврале, чәршәмбе

2023 елның 1 февраленнән 3 февраленә кадәр Болгар шәһәрендә билбау көрәше буенча Татарстан Республикасы Беренчелеге узды.

Ярышларда Г.С. Хөсәенов исемендәге спорт мәктәбендә тренерлар Расих Сәмигуллин, Илсур Вәлиев һәм Илшат Әһлиуллин җитәкчелегендә шөгыльләнгән2006-2008 елларда туган егетләр һәм кызлар катнашты.

Безнең спортчылар лаеклы чыгыш ясадылар һәм түбәндәге нәтиҗәләрне күрсәттеләр:

1 урын - Мәдинә Рәхимҗанова, Зөһрә Сәлахова;

2 урын-Анастасия Миронова, Геннадий Насыйбуллин;

3 урын-Булат Кыямов, Рамилә Гыймадиева.

Спортчыларыбызны котлыйбыз һәм киләчәктә спортта яңа дәрәҗәләргә ирешүләрен телибез!