Фәрит Мөхәммәтшин Нурлатта сессия утырышында катнашты
Нурлат муниципаль районы һәм Нурлат шәһәре Советларының уртак сессиясе ТР Дәүләт Советы Рәисе Фәрит Мөхәммәтшин, ТР Экология һәм табигый ресурслар министры Александр Шадриков, ТР Дәүләт Советы депутатлары катнашында узды.
Районның эш йомгаклары буенча фикер алышу Мәдәният сараеның зур залында узды. Нурлат муниципаль районы Башлыгы Алмаз Әхмәтшин 2022 елда үсешнең төп күрсәткечләрен атады, ул нурлатлылар өчен дә, тулаем татарстанлылар өчен дә мөһим вакыйгаларга бай булды.
-Икътисад тармакларында чаралар Норлат муниципаль районының 2022-2027 елларга һәм 2030 елга кадәрге план чорына социаль – икътисадый үсеш стратегиясе кысаларында башкарылды, - дип билгеләп үтте Алмаз Сәлимович һәм икътисадның һәр тармагын аерым яктыртты.
Тулай территориаль продукт 88,4 млрд. сумнан артык тәшкил иткән (үсеш темпы 111,3 процент, төяп җибәрелгән продукция күләме-38,2 млрд. сум (104 процент.). Нефть тармагы район икътисадының мөһим өлешен алып тора-62 проценттан артык.: 2022 елда 5,9 млн. тонна нефть чыгарылган. Аграр секторның җитештерү күләме 4,5 млрд. сум тәшкил иткән (122 процент.).
– Район өчен приоритетлы бурычларның берсе-халыкны эчә торган сыйфатлы су белән тәэмин итү, - дип ассызыклады ул, «Татнефть» гранты кысаларында авылларда су белән тәэмин итү, гражданнарның үзара салымы буенча башкарылган масштаблы эшләрне яңгыратып.
Алмаз Сәлимович инвестицияләргә, грант ярдәме, эшкуарлык, демография, төзелеш һәм башка комплексларга, гомумән алганда, һәр өлкәгә һәм тармакка кагылды, федераль һәм республика программаларына аерым кагылды һәм район халкы исеменнән Татарстан Республикасы Президенты Рөстәм Миңнехановка нурлатлыларның тормыш сыйфатын күтәрү мөмкинлеге өчен аерым рәхмәт сүзләрен җиткерде.
Район башлыгы чыгышында яшь буынны тәрбияләүгә, шулай ук мобилизацияләнгән гаиләләргә ярдәм итүгә зур урын бирелде. Ул район халкының бердәмлеген билгеләп үтте.
Агымдагы елга куелган бурычлар буенча Алмаз Әхмәтшин инвестицион җәлеп итүчәнлекне арттыруны, яңа эш урыннары булдыруны, авылда эшмәкәрлекне һәм кече хуҗалык рәвешләрен үстерүне, яшь белгечләрне җәлеп итүне атады. Предприятие һәм оешмалар җитәкчеләренә, депутатларга, район халкына уртак киеренке һәм нәтиҗәле эшчәнлек өчен рәхмәт белдерде.
Тыгыз хезмәттәшлектә тормыш сыйфатын яхшыртуга һәм уңайлы мохит булдыруга юнәлдерелгән мәсьәләләрне хәл итүне уңышлы дәвам итәргә булсын, дип ышаныч белдерде.
Районның узган елгы эшчәнлеген республика Дәүләт Советы рәисе дә уңай яктан билгеләп үтте.