Фәрит Мөхәммәтшин Нурлат шәһәренең 1нче мәктәбендә булды
Әлеге белем бирү учреждениесе федераль программа кысаларында узган ел капиталь ремонтланган.
Бүген Нурлатка эш визиты белән Татарстан Республикасы Дәүләт Советы Рәисе Фәрит Мөхәммәтшин килде. Ул Нурлат муниципаль районы һәм Нурлат шәһәре Советларының берләштерелгән сессиясендә катнаша.
Сессия башланганчы Нурлат районы башлыгы Алмаз Әхмәтшин озатуында ул 1нче шәһәр мәктәбендә булды, анда узган ел федераль программа ярдәмендә масштаблы капиталь ремонт үткәрелде. Быел 60 еллыгын билгеләп үтә торган мәктәп капиталь ремонт хисабына танымаслык булып үзгәрде. Капиталь ремонт ясаганда һәм алга таба җиһазландырганда мәктәпнең профилен цифрлы база буларак исәпкә алганнар. «Татнефть» ГАҖ гранты акчасына «Үсеш ноктасы» кабинетлары заманча җиһазландырылган, 8,9 млн сумлык ноутбуклар һәм цифрлы лабораторияләр белән җиһазландырылган.
Фәрит Хәйрулла улы мәгариф учреждениесе укучылары һәм укытучылары белән аралашты, мәктәп музее эшчәнлеге белән танышты. Укучылар Дәүләт Советы Рәисенә Россия Хәрби дан көненә багышланган күргәзмә турында да сөйләделәр.
Гомумән алганда, мәгариф учреждениеләрен капиталь ремонтлау районда өстенлекле юнәлешләрнең берсе булып тора. 2022 елда 7 мәктәп ремонтланган. «МНКТ» оешмасы хәйрия ярдәме хисабына Нурлат шәһәренең 8нче мәктәбендә һәм Биляр - Озеро урта мәктәбендә капиталь ремонт үткәрелде. Мәгариф учреждениеләренең федераль программасы буенча 5 мәктәпкә капиталь ремонт ясалган: Якушкино, Мамык, Тимерлек, Нурлат гимназиясе һәм 1нче шәһәр мәктәбе