Нурлатта мәктәпкәчә яшьтәге балалар юл хәрәкәте кагыйдәләрен белү дәрәҗәләрен ныгытты
Шушы көннәрдә «Әкият» балалар бакчасында Юл хәрәкәте кагыйдәләре буенча профилактик чара узды.
Мәктәпкәчә учреждениенең автошәһәрчеге территориясендә тәрбиячеләр тарафыннан оештырылган квест-уеннан соң, Дәүләт автоинспекциясе һәм Нурлат шәһәренең «Юл хәрәкәте иминлеге» ДБУ хезмәткәрләре тәрбияләнүчеләр белән әңгәмә уздырды. Нурлат учреждениесенең профилактика бүлеге начальнигы Гөлфия Гыймалтдинова махсус билгеләнмәгән урыннарда таудан шуу куркынычлары турында сөйләде.
"Кар, таудан шуу, Кар бабай ясау мөмкинлеге балаларны кызыктыра. Ләкин шул ук вакытта, махсус билгеләнгән һәм җиһазландырылган урыннарда һәм куркынычсызлык кагыйдәләрен үтәмичә, үзлектән ясалган таудан шуу-бу бөтенләй башка нәрсә. Балаларда да, ата – аналарда да аңлау булырга тиеш, бары тик саклык чараларын үтәү, кагыйдәләрне белү генә бирелгән мөмкинлекләрдән тулысынча ләззәтләнергә мөмкинлек бирә», - дип билгеләде Гөлфия Харисовна.