Нурлат районында халык җыеннарында Александр Шадриков катнашты
Татарстан Экология һәм табигый байлыклар министры Әмзә һәм Колбай-Мораса авыл җирлекләрендә гражданнар җыеннарында булды.
Кичә Әмзә һәм Колбай-Мораса авыл җирлекләрендә халык белән чираттагы очрашулар булды.
Авыл кешеләре өчен мондый очрашулар-үз уңышлары турында сөйләү мөмкинлеге дә. Мәсәлән, Әмзә авыл җирлегендә узган җәйдә җирле чишмә территориясен төзекләндерелгән. Бу эштә үзара салым акчалары да, якташларның иганәче акчалары да ярдәмгә килде.
"Хәзер бирегә су алып кына калмыйлар, очрашулар да оештырабыз, туйлар һәм авыл бәйрәмнәре уза», – дип уртаклашты Ирек Нәбиуллин.
Ул чишмәне төзекләндерү инициаторларының берсе булган. Сәлимҗан Гыйләҗев та беседка, бура куярга ярдәм иткән. Моннан тыш, җирлектә юллар, күпер ремонтланган, су скважинасы төзекләндерелгән, зиратларны чистартканнар. Бу хакта авыл җирлеге башлыгы Әнисә Сафиуллина сөйләде. Торак пунктларның үзара салым акчасына үзгәрүен быел да дәвам итәргә ниятлиләр. Шулай ук шәхси ярдәмче хуҗалыкларда мөгезле эре терлекнең баш санын арттырырга планлаштыралар. Хәзер алар 600 дән артык. Моны район башлыгы Алмаз Әхмәтшин да максат итеп куйды.
"Сыер асраучылар беркайчан да эшсез һәм керемсез калмаячак», - дип билгеләп үтте ул. Асылхановлар гаиләсе монда үрнәк була ала. Хәзер аларның хуҗалыгында 5 баш савым сыерлары бар. Шуның өчен район җитәкчелеге аларга сыер саву аппаратын бүләк итте.
Колбай-Морасадан Айрат Әхмәтҗанов гаиләсенә дә шундый ук ярдәм күрсәтелде. Узган ел җирлектә сыерларның баш санын 9га арттырганнар, үзара салым акчаларын җыялар, финанслашу белән бергә аның гомуми суммасы 1,5 млн сумнан артык тәшкил иткән. Нәтиҗәдә, янгын сүндерү өчен су сыешлыгы да, экскаватор да, Кече Колбай-Мораса авылында су үткәрү торбаларын да сала алганнар. Авыл җирлеге башлыгы Ришат Насыйбуллин Колбай-Морасалыларның башка уңышлары турында да сөйләде. Район кураторы Александр Шадриков та бу эшнең бик мөһим булуын билгеләп үтте.
"Авылларда эчкерсез кешеләр яши. Алардан махсус энергия бөркелеп тора», - диде ул.
Экология министры Алмаз Әхмәтшинның районның узган ел социаль-икътисади үсеше турындагы хисабын да тыңлады.
"Нурлат районы командасының эше-республикада үрнәк. Республикада эшләп килүче барлык 44 программа да кешеләр өчен, аларның проблемаларын хәл итү өчен булдырылган. Бергәләп без бар авырлыкларны да җиңә алабыз».