Нурлатта тампонаж һәм измә әзерләү хезмәте үзәге узган елга йомгак ясады
Узган ел «ЦТиРС» җаваплылыгы чикләнгән җәмгыяте коллективы өчен финанс-хуҗалык эшчәнлегенең «ТаграС-РемСервис» җаваплылыгы чикләнгән җәмгыяте эгидасы астына тулысынча күчүе белән башланды.
Заказчыларның үзәкнең төп хезмәтләре белән хезмәттәшлегенең рациональ моделен төзү нәтиҗәсе Татарстан һәм Самара өлкәсе территориясендә тампонаж һәм измә сервисы хезмәтләрен күрсәтү буенча лидерлык позицияләре булды.
Бу турыда «ТаграС - РемСервис» җаваплылыгы чикләнгән җәмгыяте директорының беренче урынбасары-баш инженеры Дмитрий Краснов катнашындагы хезмәт коллективы конференциясендә «Тампонаж һәм измә сервисы үзәге» җаваплылыгы чикләнгән җәмгыяте директоры Җәмил Мостафин җентекләп сөйләде.
«2022 елның 12 аенда «ЦТиРС» җаваплылыгы чикләнгән җәмгыяте буенча керем планы 110 процентка үтәлгән, шул исәптән тампонаж сервисы – 121 процент. Барлык кыенлыкларга да карамастан, коллектив заказчыларны югалтмыйча, башкару темпларын арттыруга иреште», – диде Җәмил Хәйдәрҗан улы.
Барыннан да элек, моңа яңа заказчылар җәлеп итү йогынты ясады, эшләрне сыйфатлы башкару партнерларның ышанычын, ә логистиканы дөрес итеп төзү оперативлыкны арттырды.
Предприятиенең уңышлы эшчәнлеген Җәмил Мостафин, беренче чиратта, коллективның профессиональлеге белән бәйли. «Алар чыннан да җаваплы, үз эшләренә бирелгән кешеләр, җитештерүнең бөтен мөһимлеген аңлыйлар, һәрвакыт оператив рәвештә эшкә керешергә әзер, аларның транспорт чарасы төзек хәлдә, заказчы алардан канәгать», – дип ассызыклады директор.
Конференциядә коллектив килешүнең үтәлеше турында «ЦТиРС» профкомы рәисе Светлана Растворова җентекле мәгълүмат бирде. "Имин хезмәт, уңайлы хезмәт шартларын булдыру-төп бурычларның берсе. Хезмәт шартларын яхшырту максатыннан җиһазлар яңартыла, җитештерү процесслары механикалаштырыла», - диде ул.
«ЦТиРС» предприятиесе коллективы яшьләрдән тора: 163 кешенең яртысыннан артыгы – яшь буын вәкилләре, хезмәткәрләрнең уртача яше 37 яшь. Эшчеләр үзләре әйтүенчә, монда хезмәт хакы гына түгел, ә социаль гарантияләр дә кызыксындыра.
Тампонаж сервисы цемент-ком катнаштыру агрегаты мотористы Евгений Адушев бу өлкәдә 8 ел эшли. "Минем эшем катлаулы, һава торышы белән бәйле. Әмма синең хезмәтең лаеклы бәяләнгәндә һәм шифаханәгә юллама алу мөмкинлеге булганда, профсоюз матди ярдәм күрсәтә, безгә намуслы хезмәт итәргә генә кала дип уйлыйм", - диде ул.
Хезмәт коллективы җыелышында директорның беренче урынбасары-«ТаграС-РемСервис»ның баш инженеры Дмитрий Краснов Евгений Адушевка Татарстан Республикасы Премьер - министры урынбасары-Татарстан Республикасы сәнәгать һәм сәүдә министрының Рәхмәт хатын тапшырды. Тулаем алганда, бу көнне тампонаж сервисының цементлау агрегатының күп кенә эшчеләре намуслы хезмәтләре һәм югары профессиональлекләре өчен билгеләп үтелде.
«ТАГРАС» нефть сервисы холдингы генераль директоры боерыгы белән Эдуард Галәмовка рәхмәт белдерделәр, «ТаграС-РемСервис» оешмасы Мактау грамотасы һәм Рәхмәт хаты белән Олег Сергеевны һәм Альмир Сибгатовны бүләкләделәр, «ТаграС-РемСервис»ның профсоюз оешмасы Рәхмәте Галимзан Сафинга тапшырылды. «Тампонаж һәм измә сервис үзәге» җәмгыяте директорының Мактау грамотасы белән күпьеллык намуслы хезмәте, сервис хезмәтләре үсешенә зур өлеш керткәне өчен бораулау измәсе буенча сервис инженер-технологы Рим Харисов, тампонаж сервисының механикалаштырылган һәм автоматлаштырылган складлары операторы Рөстәм Исмәгыйлевка, «Тампонаж һәм измә сервис үзәге» ҖЧҖ директорының Рәхмәте механикалаштырылган һәм автоматлаштырылган складлар операторы Наталья Трофимова, бораулау эшләре измәсен әзерләүче Альберт Миннекәевкә, материаль-техник тәэмин итү һәм милек буенча әйдәп баручы инженер Рөстәм Гыйматдиновка игълан ителде.
Конференциягә Дмитрий Краснов йомгак ясады. Ул билгеләп үткәнчә, «ЦТиРС» җаваплылыгы чикләнгән җәмгыяте коллективы елны лаеклы төгәлләде, коллективка уңышлар һәм эшләрендә иминлек теләде.