Нурлат районында көчле салкыннар булыр дип көтелми
Районда һәм шәһәрдә һава торышы турында 3нче шәһәр мәктәбенең география укытучысы Татьяна Чибидина сөйләде.
Ул иң салкын кышларны һәм көннәрне анализлады. Бу география укытучысына район территориясендә урнашкан Чулпан метеостанциясе ярдәм итте.
"Метеорологлар Чулпан метеостанциясен Татарстанда «салкын полюс» дип атыйлар, чөнки монда берничә тапкыр Татарстанда иң түбән температура теркәлгән: мәсәлән, 1942 елда – 50 градус, 1978-79 елның Яңа ел төнендә – 44 градус, 1976 елның февралендә – 46,3 градус.
Соңгы 13 ел температура 40 градустан түбән төшмәде, һәм иң салкын көннәр-2011 елның 20, 22 феврале ( -33 градус), 2012 елның 3 феврале ( -33 градус), 2014 елның 1 феврале ( -35 градус). 2021 елның 26 гыйнварында температура -30,5 градуска кадәр төште, 2022 елда иң салкын температура 5 гыйнвар иртәсендә -32 градуска кадәр күзәтелде.
2023 елда 9 гыйнварда иртән температура 33 градус иде, 10 гыйнварда Ленин урамында 2 сәгать 30 минутта градусник -39 градус иде. Шулай итеп, әлегә 2023 елның 10 гыйнвары- ТР Нурлатта иң салкын көн булды.
Синоптиклар гыйнвар аенда 9-10 гыйнварда күзәтелгән көчле салкыннар булмаячак дип фаразлый, һәм февраль шактый җылы булачак. Әмма безнең салкын якта яшәвебез һәм арктик һава массаларының йогынтысы булуы турында кисәтү артык булмаячак". – дип әйтелә география укытучысы Татьяна Чибидинадан алынган хәбәрдә.