Нурлатка ГИСУ директоры урынбасары килеп китте

2023 елның 12 гыйнвары, пәнҗешәмбе

Нурлат районында эш визиты белән «ТР Төп инвестицион-төзелеш идарәсе» ДКУ директоры урынбасары Айрат Халиков булды.

Айрат Халиков Нурлат муниципаль районы Башлыгы Алмаз Әхмәтшин белән бергәләп мөһим мәсьәләләр буенча фикер алышты.

Эш визиты кысаларында ГИСУ директоры урынбасары Нурлат муниципаль районы Башкарма комитеты җитәкчесенең инфраструктур үсеш буенча урынбасары Салават Усманов озатуында төзелеш мәйданнарын карады. Әйтик, алар Нурлат РҮХнең йогышлы авырулар бүлегендә, капиталь ремонт эшләре тәмамланып килә торган «Батыр» спорт мәктәбендә булдылар.