Нурлат гимназиясе укытучылары бала үсеше үзәгендә тәрбияләнүчеләр белән чираттагы дәресне үткәрде

2023 елның 10 гыйнвары, сишәмбе

Нурлат гимназиясенең туган тел һәм әдәбияты укытучыларының балалар бакчасына килеп шөгыль уздырулары матур традициягә әверелде.

Бу юлы уртанчы һәм әзерлек төркемендә йөрүчеләр белән очрашу булды, алар белән әниләргә багышланган чара үткәрелде.

Балалар бик теләп мастер-класста катнашты, матур открыткалар ясадылар, әниләре турында җырлар җырладылар, активлык күрсәттеләр. Балалар йөзендә очрашудан туган канәгатьлек шатлыгын күрергә мөмкин иде. Чара татар телендә узды.

Киләсе очрашуны балалар да, укытучылар да көтә.