«Нурлат сөте»нең баш экономистын Казан Сабан туеның төп сәхнәсендә тантаналы рәвештә бүләкләделәр

2022 елның 22 июне, чәршәмбе

Надежда Ивановна Храмованың авыл хуҗалыгы тармагында хезмәт куюына 50 елдан артык.

Казанның Мирный бистәсендә узган Сабан туенда төп сәхнәдә авыл хуҗалыгы алдынгыларын һәм ветераннарны бүләкләделәр. Татарстан Республикасы Премьер-министры урынбасары - Татарстан Республикасы Авыл хуҗалыгы һәм азык-төлек министры Марат Җәббаров аларга фидакарь хезмәтләре һәм авыл хуҗалыгын үстерүгә керткән өлешләре өчен рәхмәт белдерде. Бүләкләнүчеләр арасында «Нурлат сөте» хуҗалыгының баш экономисты Надежда Храмова да бар.

Фото: ТР Авыл хуҗалыгы министрлыгы сайтыннан.