Нурлат районы башлыгы Кузайкино-Нурлат автомобиль юлында барган ремонт эшләрнең барышы белән танышты
Биредә юлны ремонтлауны 1 сентябрьгә тәмамлау планлаштырыла.
Бу көннәрдә Нурлат юл эшләре идарәсе хезмәткәрләре Андреевка авылы янында Кузайкино-Нурлат автомобиль юлының 69-75 чакрымында урнашкан участокта капиталь ремонт белән мәшгульләр.
Участокның гомуми озынлыгы 5 км 400 метр тәшкил итә.
Участокта 15 берәмлек техника эшли.
Шушы көннәрдә Нурлат районы башлыгы Алмаз Әхмәтшин эшне оештыру белән танышты.
«Узган ел 3 км 700 метр озынлыгында асфальтобетонның аскы катламын җәюгә нигез салу буенча эшләр башкарылды. Быел бу участокта асфальтның өске катламы җәелгән һәм өстәмә рәвештә 1 километр 700 метрда капиталь ремонтны дәвам итәбез. Хәзерге вакытта гамәлдәге юл полотносын сүтү бара. Киләчәктә грунтны ныгытып, җир катламын урнаштыру һәм юл өслеген җәю планлаштырыла", - дип билгеләп үтте Нурлат юл эшләре идарәсе башлыгы Рафис Сафиуллин.
Юл төзүчеләр эшне 1 сентябрьгә кадәр төгәлләргә планлаштыралар.
Ә автомобиль транспорты хуҗаларын юл хәрәкәте иминлеге максатларында ЮХИДИ хезмәткәрләре белән килештерелгән маршруттан – Аксубай аша юлдан файдаланырга чакыралар.