Нурлатлылар авыл халкының эшлекле активлыгын арттыру мәсьәләләре буенча зона семинар-киңәшмәсендә катнаша
Чирмешән районында уза торган чарада республиканың 9 районы вәкилләре катнаша.
Бүген нурлатлылар Нурлат муниципаль районы башлыгы Алмаз Әхмәтшин җитәкчелегендә авыл халкының эшлекле активлыгын арттыру мәсьәләләре буенча зона семинар-киңәшмәсендә катнаша. Делегация составына районның барлык авыл җирлекләре башлыклары керде.
Иртәдән нурлатлылар крестьян-фермер хуҗалыклары эшчәнлеге, мәктәп яны тәҗрибә участоклары белән таныштылар, Чирмешән районы эшкуарлары белән аралашты.
Татарстан Республикасы Дәүләт Советы Рәисе Фәрид Мөхәммәтшин катнашында узган семинар-киңәшмәнең пленар утырышында ел саен үткәрелә торган республика конкурсында җиңүчеләрне бүләкләделәр.
«Татарстан Республикасы авыл хуҗалыгы комплексында кече хуҗалыкларны үстерү буенча иң яхшы авыл җирлеге башлыгы» номинациясендә Бикүле авыл җирлеге башлыгы Алсу Шакирова, «Иң яхшы шәхси ярдәмче хуҗалык» номинациясендә Минрамил Әхмәтшинның (Биккол авыл җирлеге) һәм Алевтина Михайлованың (Богдашкино авыл җирлеге) шәхси ярдәмче хуҗалыклары билгеләп үтелде.