Район хастаханәсендә талпаннарның куркынычлы булуы турында сөйләделәр

2022 елның 22 мае, якшәмбе

Май урталарында ук Нурлат районы хастаханәсенә талпан утыруга зарланып 66 нурлатлы мөрәҗәгать иткән.

Аларның күбесе өлкәннәр, әмма балалар да бар – андыйлар 5.

"Безнең район территориясе талпан энцефалиты буенча эндемик булып тора, – диде баш табиб урынбасары Татьяна Соренкова.

- Шулай ук талпан белән кешегә һәм йорт хайваннарына талпан боррелиозы, анаплазмоз, моноцитар эрлихиоз кебек йогышлы авырулар да йогарга мөмкин".