Нурлат музее коллективы һөнәри бәйрәмнәре уңаеннан яңа экспозиция тәкъдим итте
2022 елда Халыкара музейлар көне безнең район тарихының төп сакчысы-Кама аръягы һәм Нурлат шәһәре тарихы төбәк музее өчен "Авыл хезмәтчәннәре. Икмәк бәясе» дип исемләнгән яңа күргәзмә ачылу белән истә калачак.
Ул авыл хуҗалыгына – безнең районның төп тармагына, шулай ук агросәнәгать комплексы үсешенә зур өлеш керткән хезмәтчәннәргә багышланган. Музей коллективының үз һөнәри бәйрәмнәрендә экспозицияне тәкъдим итүе символик мәгънәгә ия.
Тиешле бәя бирергә кирәк, ул кыска гына вакыт эчендә безнең районның хуҗалык итүче субъектлары турында мәгълүмат туплап кына калмыйча, аны тулысынча системалаштыра алды. Фотолар, документлар һәм чыннан да уникаль экспонатлар Нурлат аграр комплексы барлыкка килү һәм үсеш этапларын колачлады. Бу хакта үзенең сәламләү сүзендә район башлыгы урынбасары Линар Маняпов та билгеләп үтте.
"Безнең музейда бер генә тапкыр булса да булган һәр кеше өчен зур тәэсирләр алып китә биредән. Монда, һичшиксез, бөтен коллективның казанышы. Яңа экспозициянең нурлатлылар һәм Нурлат кунаклары арасында популяр булуына да шикләнмим", - диде ул һәм барысына да җылы теләкләрен җиткерде.
Музей директоры Флюра Морзаханова сүзләренә караганда, яңа экспозиция - бик эчтәлекле. Ул Россия Президенты каршындагы Мәдәни инициативалар фонды грантын гамәлгә ашыру кысаларында оештырылды. "Авыл хезмәтчәннәре. Икмәк бәясе" проекты «Горурланам» номинациясендә җиңүче булды.
" Кешеләрнең Җир -Анадан алганның иң кадерлесе-икмәк. Һәм аның кыйммәте бәясендә генә түгел икмәк исе килгән җире, өе, анда туган йорт булуы белән», – дип дәвам итте тантананы Флюра Морзахановна.
Сүзне «Ветеран» халык хоры дәвам итте, ул танылган «Хлеб – всем голова» җырын башкарды.
Ә кызыл тасманы кисү хокукы агросәнәгать комплексы хезмәткәрләре профсоюзының район комитеты рәисе Тәнзилә Фәйзуллинага бирелде.
«Минем өчен бу күптән көтелгән экспозиция. Биредә безнең районның авыл хуҗалыгы тармагының бай елъязмасы тәкъдим ителгән, аның үсеш һәм барлыкка килү чорлары, колхозлар һәм совхозлар тарихы күрсәтелгән», – диде ул беренче экскурсиядән алган тәэсирләре белән уртаклашты. Ул шулай ук экспозиция нурлатлылар тарафыннан тиешенчә бәяләнер дип ышана.
Сүз уңаеннан, әлеге күргәзмәне Пушкин картасы буенча да карап була.