Гаилә көнендә Нурлатта Алтын туйларын билгеләп үтүче юбилярлар һәм нәниләр котлаулар кабул итте
Никахлашу Сараенда Халыкара гаилә көнендә бигрәк тә тантаналы атмосфера хөкем сөрде. Биредә 50 ел бергә гомер иткән парларны һәм ел башында, дөресрәге иң кыска ай – февраль аенда дөньяга килгән яшь нурлатлыларны хөрмәтләделәр.
- Барысы да гаиләдән башлана. Гасырлар һәм меңьеллыклар буена гаилә җәмгыятьнең һәм дәүләтнең нигезе булып хезмәт итте, - дип билгеләп үтте сәламләү сүзендә район башлыгы Алмаз Әхмәтшин. Ул юбилярларга һәрвакыт үзара аңлашып яшәүләрен һәм ата-аналарга сабыйларын тигез, тату гаиләдә үстерүләрен теләде.
Беренче булып алтын туйларын билгеләп үтүче парлар котлаулар кабул итте. Болар-шәһәрдә яшәүчеләр Асия һәм Сәгыйть Әбделганиевлар, Якушкинодан Зинаида һәм Василий Андреевлар, Түбән Нурлаттан Сара һәм Миннеяр Бакировлар, Төрнәстән Наталья һәм Владимир Куликовлар.
- 75 еллык тату гомер кичерүегез уңаеннан бергәләп җыелып сезне шушы матур залда хөрмәтләргә язсын, – дип мөрәҗәгать итте аларга Алмаз Сәлимович.
«Яңа туган балага бүләк» акциясе кысаларында котлаулар һәм изге теләкләр эстафетасы нәниләргә һәм аларның әти-әниләренә күчте. Импровизацияләнгән сәхнәдә 20дән артык яшь нурлатлыны хөрмәтләделәр. Алар арасында бары дүртесе-гаиләдә беренче балалар. Әти-әниләренең икенче балалары булып 3 сабый, шул кадәр үк сабый гаиләдәи дүртенче булып туган. Февраль ае нурлатлыларның гаиләләрендә өченче балаларга бай булган икән. Әмма бу айдагы сабыйлар арасында төгәлрәге, ата-аналар арасында, һичшиксез Әнвәр һәм Мөнирә Газизовлар гаиләсе абсолют рекордны куйды. Кечкенә уллары Азиз-гаиләдә бишенче бала.