Нурлатта төзүчеләрнең традицион киңәшмәсе узды

2022 елның 31 марты, пәнҗешәмбе

Нурлатта республика программаларын тормышка ашыру буенча төзүчеләрнең традицион киңәшмәсе узды.

Нурлат муниципаль районы территориясендә тормышка ашырыла торган һәм республика программаларына кертелгән 2022 елгы капиталь ремонт һәм төзелеш объектлары буенча киңәшмәне Нурлат муниципаль районы Башкарма комитеты җитәкчесенең инфраструктура үсеше буенча урынбасары Салават Усманов үткәрде.

Ул 2022 елгы республика программаларына кертелгән һәм район территориясендә гамәлгә ашырыла торган объектларда эшләрнең барышы турында мәгълүмат бирде. Биредә ук икенче мәсьәлә - территорияләрне санитар чистарту буенча икеайлык үткәрү һәм язгы ташуга каршы төзелеш мәйданнарындагы чаралар турында хәбәр итте.