Нурлатта мәктәпкәчә яшьтәге балалар экологияне өйрәнә

“Буратино" балалар бакчасында Халыкара урман көненә багышланган чара узды.

Урманчы һәм аның ярдәмчеләре-экологлар балаларга агачлар, үсемлекләр, яфраклар, урманнарның Җирдә тереклек өчен файдасы турында сөйләде. Шулай ук әкият персонажлары урманда үз-үзеңне тоту кагыйдәләре турында да искә төшерде. Балалар уйнады, шигырьләр һәм җырлар башкарды.

Чарада Татарстан Республикасы Экология һәм табигый байлыклар министрлыгының Көньяк-Көнчыгыш территориаль идарәсе белгече Венера Мингалиева һәм Мамык участок урманчылыгының участок урманчысы Наилә Сафиуллина да катнашты. Экологик дәрес истәлеге итеп алар балаларга матур буягыч китаплар тапшырды.