Нурлат автомобиль йөртүчеләренә янгын сүндерү техникасын уздыру һәм аңа юл бирүгә кагылышлы кагыйдәләр турында искәрттеләр

Янгын сүндерү-коткару бүлеге хезмәткәрләренең янгын урынына килү тизлегенә кешеләрнең тормышы һәм сәламәтлеге, шулай ук милекнең сакланышы да турыдан-туры бәйле. Әмма, ерактан күренүче сигнал маяклары һәм тавыш сигналлары кертелүгә карамастан, кайбер автомобиль йөртүчеләр янгын сүндерү машиналарына юл бирергә ашыкмый. Бу хакта «Нурлат-информ» корреспондентына 73нче янгын сүндерү һәм коткару бүлеге инженеры Нина Логинкина сөйләде.

Белгеч сүзләренә караганда, янгын сүндерүчеләр шулай ук тагын бер җитди проблема белән очраша – бу шәһәр автотранспорты белән тулган шәһәр урамнары һәм торак йортлар ишегаллары юллары.

«Янгын сүндерү машиналарына, парковкаланган техника арасында баланслап, акрын хәрәкәт итәргә туры килә”.

Ул шулай ук машина йөртүчеләргә юл хәрәкәте кагыйдәләрен искә төшерде: зәңгәр төстәге махсус сигнал бирүче маяк һәм махсус тавыш сигналы булган транспорт чарасы якынайганда машина йөртүчеләр күрсәтелгән транспорт чарасының тоткарлыксыз узуын тәэмин итү өчен юл бирергә тиеш.

Янгын сүндерү техникасы уздыру һәм аңа юл бирүгә кагылышлы юл хәрәкәте кагыйдәләрен исегезгә төшерәбез:

- күрсәтелгән махсус сигналлары булган транспорт чарасы якынлашканда, машина йөртүчеләр юл бирергә тиешләр;

- күрсәтелгән транспорт чарасын узып китү тыела;

- зәңгәр төстәге ялтыравык маяклы транспорт чарасына якынлашканда, шофер тизлекне киметергә тиеш, кирәк булган очракта кичекмәстән туктарга тиеш;

- парковка яки парковка өчен урын сайлаганда, махсус техника өчен керү урыннарын буш калдырырга онытмагыз.