Нурлатта ирекле халык дружиналары хисап тотты

2022 елның 10 марты, пәнҗешәмбе

Нурлатта ирекле халык дружиналары штабы утырышы узды.

Аны  район штабы җитәкчесе - Нурлат муниципаль районы Башкарма комитеты җитәкчесенең беренче урынбасары вазыйфаларын башкаручы Илнур Бәхтияров үткәрде.

Утырышта Россия Эчке эшләр министрлыгының Нурлат районы буенча бүлеге полиция башлыгы урынбасары Альберт Вафин 2022 елның гыйнвар-февраль айларында район һәм шәһәр предприятиеләре һәм оешмалары тарафыннан җәмәгать тәртибен саклауны тәэмин итү, хокук бозуларны кисәтү һәм булдырмау, гражданнарның хокуклары һәм мәнфәгатьләрен яклау нәтиҗәләре буенча хисап тотты.

Монда ук март-май чорына җәмәгать сакчыларының эш графигы расланды.