Нурлат хатын-кызлары Казанда узган бәйрәм чарасында катнаша
“Ел хатын-кызы. Ел ир-аты: хатын-кыз карашы» республика конкурсының муниципаль тур җиңүчеләре конкурсның бүләкләү тантанасында катнаша.
Казанда «Ел хатын-кызы. Ел ир-аты: хатын-кыз карашы» республика конкурсына йомгак ясау һәм Халыкара хатын-кызлар көненә багышланган бәйрәм чарасында Нурлат делегациясе дә катнаша. Аның составына Оксана Терентьева («Хатын – кыз – лидер»), Наталия Хурина («Хатын-кыз –бизнес – леди»), Миннегөл Әбҗәпбәрова («Өченче буын герое»), Галина Егорова («Хатын-кыз-ел үрнәге») һәм Валентина Борһанова («Хатын-кыз-мәдәният һәм рухият») керде.
Делегацияне Нурлат муниципаль районы Башкарма комитеты җитәкчесенең социаль мәсьәләләр буенча урынбасары Ләйсән Нәфыйгина җитәкли. Бәйрәм чарасы Салих Сәйдәшев исемендәге Зур Дәүләт концерт залында уза.