Нурлат районы мәктәпләре укучылары татар теле буенча республика олимпиадасында уңышларга иреште

2022 елның 3 марты, пәнҗешәмбе

Олимпиадада районның төрле мәктәпләреннән 14 укучы катнашты.

Татар теле буенча Олимпиада «Дуслык»белем бирү-сәламәтләндерү комплексы базасында узды. 

Олимпиадада Колбай-Мораса, Биляр-Озеро мәктәпләре, Нурлат гимназиясе һәм 4нче номерлы шәһәр мәктәбе укучылары туган тел буенча белемнәре яхшы булуын күрсәтте. Нәтиҗәдә, Айсылу Насыйбуллина (Колбай - Мораса), Алинә Газизова (Биляр Озеро), Әдилә Шәймәрданова (4нче мәктәп), Альбина Гомәрова (гимназия) призер булды.

Ә Нурлат гимназиясенең 7 нче сыйныф укучысы Ясминә Газизова җиңүче Дипломына лаек булды.

Олимпиадада катнашучыларны татар теле һәм әдәбияты укытучылары Рәмзия Галиуллина, Роза Бәдретдинова, Гөлсинә Мифтахова, Розалия Мостафина һәм Гүзәл Хәммәдиева әзерләгән.