Урта Камышлы мәктәбе укучылары бердәм булып ГТО нормаларын тапшырды

2022 елның 3 марты, пәнҗешәмбе

Нормативларны тапшыру мәктәптә традицион Президент спорт ярышлары кысаларында оештырылган иде.

Нурлат районының Урта Камышлы мәктәбендә Президент спорт ярышлары узды, аның кысаларында 5-9 сыйныф укучылары «Хезмәткә һәм оборонага әзер» Бөтенроссия физкультура-спорт комплексы нормативларын тапшырды.

Барлык катнашучылар да активлык күрсәтеп, яхшы нәтиҗәләргә ирешергә тырышты, чөнки нәтиҗәләр буенча иң яхшы, тырыш укучылар  ГТОның алтын, көмеш һәм бронза аерымлык билгеләре белән бүләкләнәчәк.