Нурлатлыларга 378 төбәк һәм муниципаль хезмәт күрсәтелә

Татарстан Республикасында федераль дәрәҗәдә «Цифрлы икътисад һәм цифрлы трансформация» үсеше проекты өчен «пилот мәйданчыгы» буларак аерым роль бирелә.

Цифрлы трансформациянең төп бурычларының берсе-цифрлы җәмгыять булдыру, анда һәр социаль актив граждан цифрлы грамоталылыкка ия, ә бизнес җирле үзидарә органнары белән хезмәттәшлектә цифрлы компетенцияләрне актив куллана, хезмәтләр, нигездә, дәүләт һәм муниципаль хезмәтләрнең бердәм порталында цифрлы рәвештә күрсәтелә.

Республикада барлыгы 378 төбәк һәм муниципаль хезмәт күрсәтелә. Бүгенге көндә 42 муниципаль хезмәт электрон рәвешкә күчерелгән.

Уңай нәтиҗәләрнең берсе-аларның дистанцион рәвештә күрсәтү срокларын кыскарту.  Кайбер хезмәтләр ер эш көне дәвамында күрсәтелә башлаячак, бу «алтын стандарт» дип атала, хезмәтләрнең бер өлеше өч көн дәвамында «көмеш стандарт», «бронза стандарт» буенча хезмәт күрсәтелү исә 10 эш көне дәвамында хезмәт күрсәтүне күздә тота. 

Цифрлаштыру берьюлы берничә мәсьәләне хәл итәргә мөмкинлек бирәчәк. Аерым алганда, онлайн режимында теләсә кайсы муниципаль хезмәт күрсәтү төрен алуга халык тарафыннан гаризалар тапшыруның бердәм цифрлы каналын булдыру, хезмәт күрсәтү вакытын кыскарту, аларны күрсәтү процессының үтә күренмәлелеген арттыру.