Нурлат районы Советында "Бердәм Россия" партиясе фракциясе җитәкчесе Линар Маняпов праймеризда катнашты

2021 елның 30 мае, якшәмбе

Нурлат муниципаль районы Советында “Бердәм Россия” партиясе фракциясе җитәкчесе Линар Маняпов та “Бердәм Россия”нең  беренчел тавыш бирүендә кандидатларны хуплап тавыш бирде.

Ул Халыклар дуслыгы йортында урнашкан хисап участогында тавыш бирде. Сәяси вакыйгада катнашып, ул аның әһәмиятен билгеләп үтте, нурлатлыларга тавыш бирүдә катнашырга һәм үз гражданлык позициясен белдерергә кирәклеген искәртте. «Праймериз Россия Федерациясенең бөтен территориясендә уздырыла. Алдан тавыш бирүнең максаты - сайлаучыларның хуплавын күрү һәм ышанычына инану, бу партиянең ачыклыгын күрсәтә, гражданнарга депутатлыкка кандидатлар сайлау мөмкинлеге бирә. Тавыш бирү нәтиҗәләре буенча күбрәк тавыш җыйган кешеләр агымдагы елның сентябрендә узачак сайлауларда кандидатлар буларак тәкъдим ителәчәк, - дип билгеләп үтте Линар Нурисламович.

Исегезгә төшерәбез, исәп участоклары, ә алар Нурлат районында 11, 20.00 сәгатькә кадәр эшли. Алдан тавыш бирүдә 18 яшькә җиткән нурлатлылар катнаша ала.

 

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International