Нурлатлылар Бөтенроссия татар авыллары эшмәкәрләре җыенында катнаша
Җыенда 500 катнашучы арасында Иске Әмзә фермерлары Алмаз һәм Флюра Шәйдуллиннар да бар.
Бу көннәрдә Татарстанда IX Бөтенроссия татар авыллары эшмәкәрләре җыены уза. Җыенда Нурлат районы фермерлары-Иске Әмзә авылында яшәүче Алмаз һәм Флюра Шәйдуллиннар да катнаша.
Җыен программасы өч көнгә исәпләнгән. Кичә ТР Фәннәр Академиясендә чарага Старт бирелде, аннары катнашучылар 5 дискуссия мәйданчыгына бүленде.
Без республиканың авыл хуҗалыгы һәм азык-төлек министрлыгында оештырылган мәйданчык эшендә катнаштык. Министр урынбасары Ришат Рәшит улы Хәбиповның чыгышында үз хуҗалыгыбыз турында да ишетүе куанычлы булды. Ул безне республиканың уңышлы фермер хуҗалыклары – гаилә фермаларын үстерү буенча республика конкурсында җиңүчеләр арасында атап үтте", – дип уртаклашты Флюра Шәйдуллина.
Бүген җыенда катнашучылар Тукай муниципаль районында, иртәгә Казанда пленар утырышта катнашачаклар.