Нурлатта Халыкара Нәүрүз бәйрәме узды
Бүген, язгы көн белән төн тигезләшкән көнне, Халыклар дуслыгы йортында Нәүрүз бәйрәме узды.
Халык күңел ачулары, җыр-биюләр, районның төрле милли-мәдәни берләшмәләре вәкилләреннән милли ризыклар белән сыйланулар - болар барысы да бәйрәмдәге кунакларга тәкъдим ителде. Район Башкарма комитеты җитәкчесенең социаль мәсьәләләр буенча урынбасары Ләйсән Нәфыйгина бәйрәмгә килүчеләргә котлау сүзе белән мөрәҗәгать итте һәм иң изге теләкләрен җиткерде. Нәүрүз яңа тормыш башлануны символлаштыра, ул Нурлат районында яшәүче күп кенә халыклар мәдәниятенең аерылгысыз өлешенә әверелде. Биредә балалар өчен күңелле уеннар оештырылды, бәйрәм кунакларын тәмле коймак һәм хуш исле кайнатма белән самавырдан чәй белән сыйладылар. Традиция буенча, районның үзбәк милли-мәдәни берләшмәсе вәкилләре барлык кунакларны сыйлаган пылау пешерделәр. Ә җирле сәхнә осталары нурлатлыларга үзләренең иң яхшы концерт номерларын һәм бәйрәм кәефен бүләк иттеләр. Бәйрәм дуслык һәм бердәмлек билгесе астында бик күңелле үтте!