Нурлатта җирле шагыйрә Әлфия Төхфәтуллинаның беренче шигырь җыентыгын тәкъдир итү чарасы узды
Җыентык Нурлат шәһәренең җирлекара үзәк китапханәсе тарафыннан нәшер ителгән.
Әлфия Төхвәтуллина соңгы елларда Нурлатның җирле авторларының иң актив язучыларның берсе булып тора. Аның иҗаты туган якка, телебезгә, табигатькә, якташларга мәхәббәт белән сугарылган.
Әлфия Миншакир кызының язмышы бик кызыклы. Һөнәре буенча ташчы буларак, ул иҗат белән 20 ел элек шөгыльләнә башлаган. Шигырьләрен эш поездында эшкә барганда яза һәм уңышлары белән беренче хезмәттәшләре белән уртаклаша. Алар Әлфия Төхфәтуллинага шигырьләрен җирле редакциягә илтергә киңәш итәләр дә.
Шул вакыттан бирле ул «Дуслык» газетасы каршында эшләп килүче «Нурлы як» әдәби берләшмәсенең актив әгъзасы булып тора, аның шигырьләре район битләрендә даими рәвештә басыла. Шагыйрәнең төп хыялын тормышка ашырырга исә җирлекара үзәк китапханә коллективы ярдәм итә. «Әй, табигать, серле дөнья» исемле кечкенә җыентыкка туган як, табигать темасына алты дистәгә якын әсәр тупланган. Халыклар дуслыгы йортында оештырылган җыентыкны тәкъдир итү кичәсендә Әлфия Төхфәтуллинаның талантын яратучылар аның иҗаты белән якыннан таныша, көйле, рухи шигырьләрен тыңлый алдылар.
«Нурлат-информ» хезмәткәрләре, "Дуслык" район газетасы каршындагы «Нурлы як» әдәби берләшмәсе әгъзалары, иҗатташ дуслары, Бөтендөнья татар конгрессының һәм "Ак калфак" җирле бүлекчәләре әгъзалары шагыйрәгә җылы теләкләр һәм яңа иҗади уңышлар теләделәр.