Нурлат бердәмроссиялеләре «Тулпар»да йөзү буенча мини-турнир үткәрделәр
Турнир Россия Герое Александр Волков истәлегенә багышланган иде. «Бердәм Россия» партиясенең Нурлат җирле бүлекчәсе Галимҗан Хөсәенов исемендәге 12-13 яшьлек спорт мәктәбендә тәрбияләнүчеләр арасында йөзү буенча мини-турнир үткәрү инициаторы булды. Ярышлар башланыр алдыннан катнашучылар алдында партиянең җирле бүлекчәсе башкарма секретаре Ралия Ханиева сәламләү сүзе белән чыгыш ясады. Ул безнең якташыбыз, Вишневая Поляна авылында туып-үскән, Россия Герое Александр Волков турында сөйләде. Ралия Йосыфхановна шулай ук балаларны һәрчак геройларны истә тотарга, аларның хәтерен хөрмәт итәргә, аларга лаеклы булырга һәм үз Ватаныңны яратырга чакырды. Яшь йөзүчеләр спорт-патриотик чарада аеруча зур энтузиазм белән катнаштылар. Аларга "бердәмроссиялеләр" исеменнән бүләкләрне сугыш хәрәкәтләре ветераны, Нурлаттагы иҗтимагый һәм спорт чаралары активисты Илнур Насыйбуллин тапшырды.