Нурлат шәһәрендә традицион Хәтер маршы узды
Хәтер маршы - 2021 Кычытканлы һәм Егоркино авыл җирлекләрендә яшәүчеләр өчен зур һәм истәлекле вакыйга булды. Традицион патриотик акция барышында биредә туганнарына ярты меңнән артык әлегә кадәр сугышта хәбәрсез югалган дип саналган кешеләрнең һәлак булу хәбәре тапшырылды. Кайберләре шунда ук туганнарына тапшырылды.
“Без үз әтиләребез, бабайларыбыз һәм бабаларыбыз турында бөтен дөреслекне белү мөмкинлеге булган беренче буын”, - дип билгеләп үтте «Хәрби дан клубы» Татарстан ассоциациясе рәисе, Бөек Ватан сугышы музей-мемориалының фәнни хезмәткәре Михаил Черепанов, тарихны бозуга каршы көрәш кысаларында хәрби заман документларының акрынлап һәм эзлекле рәвештә күбәя баруына басым ясап.
Сугышта һәлак булган һәм хәбәрсез югалган кешеләрне эзләү, аларның язмышын барлауга Интернеттагы махсус сайтлар ярдәм итә. Ләкин монда да барысы да алай ук җиңел түгел. Хәтта бүләкләү кәгазьләрендә дә кайвакыт сугышчының якын туганнарының яшәү урыны турында графа буяп куелган. Лаеклы бүләк үз герое тапканчы, күп көч куярга, күп кенә фактлар һәм мәгълүматларны чагыштырырга туры килә. Берничә ел дәвамында "Легенда" Нурлат хәрби-патриотик клубы билгесезлек белән көрәш алып баруын дәвам итә. Казан хәрби дан клубы белән берлектә ул фронттан әйләнеп кайтырга насыйп булмаган меңләгән нурлатлылар турында мәгълүматлар таба. Алар һаман да шулай сугышта хәбәрсез югалган исемлекләрдә булуын дәвам итәрләр иде. Кайвакыт эзләнүләр еллар буе дәвам итә, әмма без нәтиҗә булганчы эшне туктатмыйбыз. Тәҗрибәдә шундый очрак булды, 7 ел дәвамында сугышчының күмелү урынын эзләдек һәм туганнарына аның яхшы исемен кире кайтарган көн иң бәхетле мизгеләрнең берсе булды. Хәзер инде солдатның оныкчыклары бабаларының фронтта хәбәрсез югалмавын, Ватан өчен һәлак булуы турында горурланып әйтә алалар, - дип сөйләде "Легенда" җитәкчесе Владимир Малыгин, шулай ук казу эшләре барышында табылган экспонатларны Каравыл Тавы авылы музеена тапшыру планнары белән уртаклашты. Алар арасында эзтабарлар тапшырган «Кираса»бронежилеты да бар.
Кычытканлы һәм Каравыл Тавы авылында узган очрашуда катнашучыларда Советлар Союзы Герое Борис Кузнецов исемендәге Казан мәктәбе кадетлары чыгышы зур тәэсир калдырды.
Диана Гатауллина җитәкчелегендә алар берничә мәртәбә нурлатлылар белән берлектә «Җиңү өчен!» эзләү отряды составында Нева җирлегендә экспедицияләрдә катнаштылар. Бергәләп Волгоград өлкәсенең кырыгынчы елларда каты сугышлар барган Суровикино районында да казу эшләре алып баралар.
Яшьләрне патриотик тәрбияләү һәм тарихи хәтерне саклап калу өлкәсендә мондый очрашуларның зур әһәмиятен район башкарма комитетының яшьләр эшләре һәм спорт бүлеге начальнигы Румия Фәтхетдинова һәм районның ветераннар (пенсионерлар) җирле иҗтимагый оешмасы рәисе Разия Садретдинова да билгеләп үтте.
«Хәтер Маршы» кысаларында кыш айларында яшьләр белән очрашулар уздыру – ул геройларча батырлыклар һәм сугышның куркыныч югалтулары турында искә алу һәм сөйләү традициясе. Нурлат районында әлегеакция һәрвакыт югары дәрәҗәдә уза. Бу ел да искәрмә түгел.