Шушы көннәрдә шәһәр гимназиясендә район мәгариф учреждениеләре профсоюзы әгъзаларының чираттагы җыелышы узды

2021 елның 5 марты, җомга

Җыелышның көн тәртибендәге төп пункт булып Башкарма комитет, мәгариф бүлеге һәм районның профсоюз оешмалары советы арасында 2021-2023 елларга исәпләнгән өч яклы Территориаль килешүгә кул куелды.

Анда мәгариф өлкәсендә социаль-хезмәт, икътисадый мөнәсәбәтләрне җайга салуның гомуми принциплары, шулай ук хезмәт өчен түләү шартлары, хезмәткәрләрнең һәм профсоюз активистларының хезмәт гарантияләре һәм ташламалары билгеләнгән.

• Бүгенге көндә Нурлат мәгариф хезмәткәрләренең профсоюз оешмасы 2000 артык кешене берләштерә. 54 башлангыч оешманың һәрберсендә күмәк шартнамәләр төзелгән, – дип уртаклашты район мәгариф хезмәткәрләренең профсоюз оешмасы рәисе Фәридә Сәгыйрова. Узган елда 170 мәгариф хезмәткәре ярдәм сорап мөрәҗәгать итте, барлык мәсьәләләр буенча да уңай карарлар кабул ителде. Шифаханәгә юллама бирү, матди ярдәм күрсәтү, хокукый консультация һәм яклау, зарарлы хезмәт шартлары өчен түләү, ял оештыру, медицина тикшерүләрен узу - профсоюз хезмәткәрләренә хәл итәргә ярдәм итә торган мәсьәләләрнең бер өлеше генә, моннан тыш, юбилярларны, яшь педагогларны, район һәм республика конкурсларында җиңүчеләрне бүләкләү дә керә. Узган ел 230 авыл укытучысы электр энергиясе өчен түләүгә 400 мең сумлык ташламалар алды. Бүгенге көндә җылылык өчен түләү ташламаларын торгызу буенча эш алып барыла. Бүгенге көнгә кадәр гамәлгә куючы бюджетында акча җитмәү сәбәпле, хезмәткәрләр санитар гигиена минимумы һәм янгын куркынычсызлыгына укуларны үз хисапларына үттеләр. 2021-2023 елларга республика килешүендә мәгариф министрлыгына чараларны финанслауны тәэмин итү, шул исәптән хезмәткәрләрне куркынычсыз кабул итү, хезмәт шартларын махсус бәяләү уздыру, хезмәткәрләрне сертификацияләнгән саклык чаралары белән тәэмин итү, психиатрия тикшерүе, хезмәткәрләрне санитар-гигиена минимумы программалары буенча укыту һәм аттестацияләү, санитар кенәгәләр рәсмиләштерү һәм финанслауның барлык чыганакларыннан билгеләнгән башка чаралар белән  РФ хезмәт Кодексының 226 ст. белән билгеләнгән күләмнән түбән булмаган күләмдә тәэмин итү бурычы йөкләнде. Матди ярдәмне 52 профсоюз әгъзасы алды. 2020 елның 1 июленнән профсоюз оешмасында «Цифрлы профсоюз»масштаблы проекты гамәлгә  ашырыла башлады. Профсоюзның һәр әгъзасының яңа электрон профсоюз билеты барлыкка киләчәк, ул «Профкардс» федераль бонус программасы белән берләштерелгән.
• Профсоюз - ул үзеңне якланган итеп тоярга ярдәм итүче оешма. Ә бүген имзаланган килешү – муниципаль дәрәҗәдә партнерлык мөнәсәбәтләре мәгариф хезмәткәрләренең хокукларын һәм һөнәри мәнфәгатьләрен яклау буенча уртак эшчәнлегебезнең нәтиҗәлелеген арттыруга хезмәт итүнең ышанычлы гаранты, – дип билгеләп үтте җыелыш ахырында Фәридә Мөхлис кызы.