Алмаз Әхмәтшин Нурлатның дүрт микрорайонында яшәүчеләр белән очрашуда катнашты

2021 елның 22 гыйнвары, җомга

Нурлат муниципаль районы башлыгы Алмаз Әхмәтшин катнашында шәһәр гимназиясендә Көнчыгыш, Төньяк-Көнчыгыш, Төньяк һәм Яңа-Төньяк микрорайоннарында яшәүче гражданнар җыены  узды.

Ул районның социаль-икътисади күрсәткечләренә, шулай ук алда торган планнарга җентекләп тукталды. Биредә үк «Нефтяник», «Ямьле йорт», «Коммунальник» идарәче оешмалары, шулай ук «Көнчыгыш», «Төньяк-Көнчыгыш» һәм «Төньяк» ТИҮ җитәкчеләре 2020 елда башкарылган эшләр буенча хисап тотты һәм агымдагы чорга бурычлар билгеләде.

Гражданнар җыенында шулай ук районның тормыш-көнкүрешен тәэмин итү хезмәтләре җитәкчеләре дә катнашты. Очрашу барышында нурлатлылар юллар, хуҗасыз этләрне аулау, эчә торган суның сыйфаты һ. б. белән бәйле мәсьәләләрне күтәрделәр.