Нурлат шәһәр прокуратурасы инвалидларга реабилитацияләүнең техник чараларын алырга ярдәм итә
Дәүләт инвалидларны индивидуаль реабилитация программаларында каралган техник тернәкләндерү чаралары белән тәэмин итәргә тиеш. Әмма, практика күрсәткәнчә, әлеге таләп һәрвакытта да үз вакытында үтәлми.
Нурлат шәһәр прокуратурасы инвалидларны социаль яклау турындагы законнарның үтәлешен системалы рәвештә тикшерә.
Мондый тикшерүләрнең нәтиҗәсе булып кешеләрнең яклау максатларында хокукларын торгызырга ярдәм итү тора.
Әйтик, Нурлат шәһәр прокуратурасы җирле хатын-кызның, өлкән яшьтәге инвалид әтисен реабилитацияләүдә техник чаралар белән тәэмин ителмәве турында мөрәҗәгате буенча тикшерү үткәргән.
Индивидуаль тернәкләндерү программасы нигезендә ир-ат тактик таяк, тавышлы медицина термометры, вибрацион индикацияле цифрлы тавыш сигнализаторы, ишетү аппараты һәм махсус колак эченә куелышлы элемент белән тәэмин ителергә тиеш булган.
2019 елда мөрәҗәгать итүче Россия социаль иминиятләштерү фондының төбәк бүлекчәсенә әтисенә реабилитациянең техник чараларын бирүне сорап мөрәҗәгать иткән, әмма мөрәҗәгате кире кагылган.
Прокуратура РФ Социаль иминият фондының Татарстан Республикасы буенча төбәк бүлеге дәүләт учреждениесенә ачыкланган хокук бозуларны бетерү һәм гаепле вазыйфаи затларны дисциплинар җаваплылыкка тарту турында күрсәтмә җибәрде.
Тәкъдимне карау нәтиҗәләре буенча инвалидка, таяктан тыш, барлык тернәкләндерү чаралары да бирелгән.
Инвалидның хокукларын тулысынча яклау максатларында, күзәтчелек ведомствосы РФ Социаль иминият фондының Татарстан Республикасы буенча төбәк бүлегенә дәгъва белән Вахитов район судына мөрәҗәгать итте. Прокурорның таләпләре ирекле рәвештә үтәлгән, инвалид таяк белән тәэмин ителгән.
Моннан тыш, 2020 ел дәвамында прокурор тикшерүе нәтиҗәсендә Нурлат районының ике кешесенең тиешле тернәкләндерү чаралары белән тәэмин итү хокукы торгызылган:
- беренче төркем инвалид хатын-кыз - коляска, урын өстендәге авырулар өчен матрац, мендәр белән тәэмин ителгән.
- инвалид бала ортопедик чалбар, аяк киеме, тире чистарткычлар, сеңдерә торган җәймәләр белән тәэмин ителгән.
РФ Социаль иминият фондына Татарстан Республикасы буенча бүлегенә кертелгән тәкъдимнәрне карау нәтиҗәләре буенча ике вазыйфаи зат дисциплинар җаваплылыкка тартылды.
Шулай ук, сентябрьдә прокуратурага җирлектә яшәүче хатын-кыз 2020 елның мартыннан башлап аның өлкән яшьтәге әнисенә тиешле урамда йөрү өчен һәм бүлмәдә йөри торган инвалид коляскалары белән, ортопедик чалбар, медицина термометры һәм тонометр, санитар җиһазлы кресло-урындык белән тәэмин ителмәве турында шикаять белән мөрәҗәгать иткән.
Тикшерү нәтиҗәләре буенча шәһәр прокуратурасы тарафыннан республика прокуратурасы аша РФ Социаль иминият фондының Татарстан Республикасы буенча төбәк бүлеге адресына күрсәтмә җибәрелгән. Әлеге мөрәҗәгать тә каралган һәм канәгатьләндерелгән, хокук бозулар бетерелгән.