Нурлат районы торак пунктларында мобиль флюорография кабинеты эшли

2020 елның 8 декабре, сишәмбе

Узган атнадан башлап Нурлат районының торак пунктларына Казаннан Республика клиник туберкулезга каршы диспансерының мобиль флюорография җайланмасы чыга.

Флюорография тикшерүен беренчеләрдән  булып яңа тумбалылар узды. Яңа Тумба авылында күчмә флюорография җайланмасы 3 декабрьдә эшләде. Ә бүген көннең беренче яртысында ул Биләр Озеро авылына килде, төштән соң Бикүле авылы халкын кабул итте.