Колбай Мораса балалар бакчасына нәниләр дистанцион рәвештә "йөриләр"

2020 елның 20 апреле, дүшәмбе

Колбай Мораса авылындагы 18нче номерлы балалар бакчасы махсус режим чорында  эпидемиологик шартлар яхшырганчыга кадәр үз эшен туктатты. 

Бакча тәрбиячеләре килеп туган шартларда өзеклексез тәрбия процесын алып баруның яңа алымын таптылар һәм хәзер балалар белән дистанцион шөгыльләнәләр.

"Безнең учреждениегә 3 яшьтән 7гәчә 13 бала йөри, - диде мөдир Гөлия Мәхмүтова. - Махсус режимда эшләүче әти-әниләрнең балалары өчен дежур төркем булдырылды. Бүгенге көндә анда беркем йөрми. Чөнки балаларның әти-әниләре нигездә  үзизоляцияләүдә".

Балалар көне өйдә булуларына карамастан, тәрбиячеләр алар белән эшне туктатмый.  Дистанционные акцияләр, рәсемнәр, шигырьләр конкурслары, әңгәмәләр һәм онлайн дәресләр үткәрәләр.