Үзара салым программасы чулпанлыларга авыл җирлеге территориясен төзекләндерергә ярдәм итә

2020 елның 13 апреле, дүшәмбе

Чулпан авыл җирлегендә үзара салым программасы буенча гражданнардан кертемнәр җыю тәмамланды. 

Авыл җирлеге башкарма комитетында әйтүләренчә, барлыгы 520 кеше программада катнашкан. Үзара салым күләме - 500 сум булган. 

"Быел әлеге средстволарга Мәктәп урамында 1200 метрла юл ясарга, Муса Җәлил һәм Үзәк урамнарында 2 янгын гидранты урнаштырырга планлаштырабыз. Шулай ук су белән тәэмин итү чыганакларын норматив таләпләргә китереп, су башнясы территориясен коймабелән  тотып алырга планлаштырабыз", - дип таныштырды алда торган эшләр белән Чулпан авыл җирлеге башлыгы Фәргать Зыятдинов.