Нурлат районында чәчү өч хуҗалыкта бара
«Южная» Агрофирмасы ОООсында эшләрнең барышы белән Нурлат районы башлыгы Алмаз Әхмәтшин танышты.
200 гектардан артык «Льговская» сортлы уҗым бодае кырын яхшы бәя алды. Бүгенге көндә хуҗалыктагы 3 меж гектардагы уҗым культуралары тукландырылган. Хуҗалык җитәкчесе Руслан Таймасов билгеләп узганча, чәчү план режимында алып барыла. Басуларда 3 чәчү агрегаты эшли.
- Тәүлегенә 300гә меңгә якын гектар чәчәбез. Сидераль культураларны чәчеп бетердек, хәзер бөртеклеләрне, берьеллык, күпьеллыкларны чәчәбез. Бүгенге көнгә 700 гектар чәчелгән, бу барлык мәйданнарның 12-13 проценты. Беренче көннәрдән башлап эшне ике сменада алып барабыз.
Хуҗалыкта язгы кыр эшләре оекан төстә бара. Ашламалар, орлык, ягулык-майлау китерү белән проблемалар юк. Район башлыгы хуҗалык аграрийларын эшләрне сыйфатлы һәм үзвакытында башкарырга чакырды.